Mediefolk:

Svein Aam

Svein Aam (56)

Denne artikkelen er over sju år gammel og kan derfor inneholde utdatert informasjon.

er tilsett som redaktør og dagleg leiar i Møre-Nytt. Han startar i stillinga 1. juli 2017, etter at dagleg leiar Heidi Myklebust samstundes går av, og redaktør Rune Sæbønes går tilbake til sin tidlegare journalistjobb i Møre-Nytt.

Aam har brei redaksjonell erfaring, gjennom mange år i NRK, først ved distriktskontoret i Møre og Romsdal og seinare som programsekretær  i NRK Dagsnytt og Vaktsjef i NRK2/Bergen. Sidan 1998 har han vore tilsett i redaksjonen i Sunnmørsposten, først ved avdelingskontoret i Volda, og seinare i næringslivsredaksjonen.

Aam er fødd og oppvaksen i Ørsta, og har inngåande kjennskap til samfunns- og kulturliv i kommunen.

«Ved tilsetting av Svein Aam som redaktør og dagleg leiar, har Møre-Nytt fått ein røynd pressemann som med sin breie mediebakgrunn og gode kjennskap til Ørsta og Søre Sunnmøre vil kunne leie mediehuset si vidare utvikling på ein god måte. Ei hovudoppgåve blir å vidareutvikle den sterke posisjonen mediehuset Møre-Nytt har i sitt dekningsområde», seier styreleiar Lidvar Flydal i ein kommentar.

Powered by Labrador CMS