Heidi Molstad Andresen går frå Samlaget til Nynorsk pressekontor
Foto: Privat
Mediefolk:
Heidi Molstad Andresen er tilsett som journalist i Nynorsk pressekontor
Frå Samlaget til NPK.
Denne artikkelen er over ett år gammel og kan derfor inneholde utdatert informasjon.
Heidi Molstad Andresen kjem til Nynorsk pressekontor (NPK) frå fast stilling som sakprosaredaktør i Samlaget, og har tidlegare mellom anna jobba fleire år i Hallingdølen og i Dagbladet Magasinet, skriv NPK i ei pressemelding.
– Dette er stas. Det er ei fin fjør i hatten for oss å få ein journalist med så brei og allsidig erfaring på laget. Ho kjem til å gje oss fleire strengar å spele på, seier redaktør Jan Inge Fardal i pressemeldinga.
Molstad Andresen tek til i den nye jobben i november. På sikt skal ho også framleis vere tilknytt Samlaget som ekstern redaktør og konsulent.
– Å få lov til å formidle vesentleg journalistikk på nynorsk, er dessverre ikkje sjølvsagt. NPK har store ambisjonar og spelar ei svært viktig rolle i dagens bokmålsdominerte medielandskap. Eg håpar eg kan bidra med mitt for å gjere NPK endå meir synleg i alle dei nesten 40 abonnementsavisene deira, seier Molstad Andresen.
