Ingeborg Grindheim Slinde er NRK Vestlands nye journalist i Sogndal

Ingeborg Grindheim Slinde blir NRK Vestland sin nye journalist i Sogndal. Ho går rett frå praksisperiode i NRK Troms til fast jobb på lokalkontor. Det melder Nynorsk mediesenter på sine nettsider.

– Eg gler meg veldig til å bli ein del av lokalkontoret i Sogndal og løfte fram gode og viktige nyhende frå indre sogn, seier Slinde til NRK.

Ho starta opplæringa som del av kull 36 ved NRK Nynorsk mediesenter i januar. Med seg hadde ho erfaring frå Sogn Avis, Dagsavisen og studentmedia, i tillegg til ein mastergrad i statsvitskap frå Universitetet i Oslo.

Fra praktikant til fast jobb

– Vi er veldig glade for å få Ingeborg i Sogndal. Ho har god innsikt i regionen, og i tida som praktikant har ho vist seg som ein dyktig nyheitsreporter som ikkje er redd for dei vanskelege sakene, seier redaksjonssjef Linda Olin Reite i NRK Vestland.

Slinde blir med dette den tredje nynorskpraktikanten som får fast jobb i NRK denne våren. For leiar ved mediesenteret, Rune Fossum Lillesvangstu, viser dette at kompetansen mediesenteret tilbyr er ettertrakta.

– Dei fleste som startar her har avgrensa journalistisk erfaring i utgangspunktet. At vi kan legge dei første byggesteinane i journalistiske karrierer er eg utruleg stolt av, seier han.

– Ikkje kvar dag

Leiaren for mediesenteret er også full av lovord om den nye journalisten i Sogn, og understrekar at dette først og fremst er eit resultat av solid innsats.

– Det er ikkje kvar dag at praktikantar får tilbod om fast jobb medan dei framleis er i praksis, så dette er ekstra artig. Ho er ein talentfull journalist med nase for nyhende, og ho har utvikla seg svært godt medan ho har vore praktikant i Førde og Tromsø, seier Lillevangstu.

LES OGSÅ:

Dalane Tidende-redaktør har sagt opp stillingen