Lokalaviser vil få fleire til valurnene
Landslaget for Lokalaviser (LLA) tek initiativ til eit prosjekt som skal auke deltakelsen ved kommunevalget neste år.
Denne artikkelen er over ti år gammel og kan derfor inneholde utdatert informasjon.
– Lokalavisene har alltid vore den naturlege arena for lokale debattar og folk sitt samfunns-engasjement. No tar vi eitt steg vidare og engasjerer oss direkte i arbeidet med å få folk til å besøka vallokala neste haust. Slik forlenger vi vårt tradisjonelle arbeid for eit godt lokaldemokrati og levande bygder og bydelar, seier generalsekretær Rune Hetland i LLA i ei pressemelding.
Organisasjonen har kring 100 aviser, som blir lesen av om lag ein million lesarar. Avisene vil få tilbod om praktiske tiltakspakkar som kan skapa politisk engasjement i lokalsamfunna landet rundt.
– Vi har alt starta arbeidet med valprosjektet og vonar å koma i mål med finansieringa til nyttår. Vi er naturleg nok avhengig av ein viss stønad utanfrå, men vil gjerne presentera vårt ferdigsydde opplegg på nyåret. Målet vårt er uansett å nyttiggjera lokalavisene sin unike posisjon til å fremja lokaldemokratiet, seier Hetland.
Prosjektet vil bli presentert under Norsk Redaktørforening sitt haustmøte i Molde i desse dagar.
