MORGENRUTINEN:

Erling Wåge, ansvarleg redaktør i Fjordenes Tidende, meiner rekrutteringa til journalistyrket er ei stor utfordring.
Erling Wåge, ansvarleg redaktør i Fjordenes Tidende, meiner rekrutteringa til journalistyrket er ei stor utfordring.

– Når brannbilen slår på blålys og sirene, så blir det ofte ei sak

Erling Wåge i Fjordenes Tidende meiner at det kostar meir å lage papiravis enn det dei får igjen.

Publisert Sist oppdatert

I spalten Morgenrutinen stillar Journalisten dei same spørsmålane på e-post til ein rekke personar som er tett på mediebransjen.

Erling Wåge er ansvarleg redaktør og dagleg leiar i Fjordenes Tidende, men har varsla at han snart går av med pensjon.

Her kan du lese fleire Morgenrutinen.

– Kaffe eller te?

– Kun kaldt her i gården. Vatn, juice og Pepsi Max.

– Kva har du på nattbordet?

– Mobil, briller, drikkeflaske og bluetooth-høgttalar.

– Når om morgonen startar hodet å tenke jobb, og hvilke mediar må du innom?

– Våknar ofte seks-halv sju. Då er det Twitter-runde, har det skjedd noko i natt? Så er det lokalaviser, tre riksavisar og e-post.

– Hvilken overskrift skulle du ønskje du så på trykk i dag?

– Tre av fire ungdommar mellom 18 og 26 år i Nordfjord abonnerer no på Fjordenes Tidende.

– Kva er ditt beste tips for å finne gode sakar?

– Snakke med folk og lytte meir enn å prate. Alle har ein historie. Ta ein ekstra sjekk, korleis gjekk det med den korte twitter-meldinga til politiet? Sjekk kva som eigentleg skjedde.

– Kva er den tynneste saken du nokon gong har laga, og kvifor ble den likevel publisert?

– La ut ei sak i dag tidleg om at brannvesenet rykket ut til en bedrift der det var meldt om litt røyk frå eit batteri. Er ikkje noko stor sak, men når brannbilen slår på blålys og sirene, så blir det ofte ei sak.

– Om du kunne velge kven som helst, kven har du mest lyst til å intervjue ansikt til ansikt, og kvifor?

– Har nettopp møtt og intervjua dronninga. Då må det bli den flotte kongen vår. Han er ein royal og folkeleg person som har opplevd både krig og fred.

– Kva er din viktigste eigenskap som journalist, og korleis brukar du den?

– Håpar eg er flink å gå rett på sak og dermed få fram det viktigaste først. Trur også eg er blitt flinkare å tenke illustrasjon, tar mykje bilder. Brukar dette til å rope på lesaren.

– Kva er det gøyeste eller rareste du har opplevd i jobben?

– Det må vere då eg feira rund dag for nokre år sidan og kollegane stilte opp på feiring med ei 16 siders papiravis der alt handla om meg og mitt liv. Då blei eg stum.

– Hvilket journalistisk arbeid inspirerte deg sist, og kvifor?

– Har jobba mykje denne våren med ei sak om dårleg arbeidsmiljø ved ein offentleg institusjon. Det starta med eit varsel om mobbing, trakassering og fryktkultur blant leiinga. Dette blei først dyssa ned til ei bekymringsmelding. Først når vi tok tak i saka så blei det eit varsel og ei omfattande kartlegging. Fleire tilsette ved institusjonen har vore og er sjukmelde.

– Kva er den største utfordringen akkurat no, for mediebransjen generelt og der du jobbar?

– Det er dyrt og tidkrevjande å lage papiravisa, trykke den og distribuere den. Prisane stig meir enn vi får igjen. Utfordringa er å få folk til å oppsøke og betale for journalistikken vi lagar på nett.

– Kva kan journalister og mediehus gjøre for å bedre tilliten til de redaksjonelle mediane?

– Strammare redigering og prioritering av journalistikken vår. Få fleire til unge å studere og lære journalistikk slik at journalistikken kan halde eit høgt nivå. Rekruttering til yrket er ei stor utfordring.

– Hvilket bilde eller video fikk deg sist til å stoppe opp?

– Bilde frå fjella i Hareid på Sunnmøre der to unge systre på fjelltur mista livet av lyn.

– Når loggar du av for kvelden?

– Alt for seint, meiner familien min.

Powered by Labrador CMS